Санжар Риҳсибоев: "Андижон"га қарши баҳсда ҳаммаси ҳал бўлади"

- Учрашув қийин кечиши олдиндан маълум эди. Сабаби, ҳар иккала жамоага ҳам очко керак, аниқроғи, меҳмонлардан кўра, кўпроқ бизни фақат ижобий натижа қониқтирарди. Беллашув қизиқарли кечди. "Олмалиқ" кучсиз ўйнади, деган фикрларга қўшилмаган бўлардим. Улар ўзларининг номига мос равишда жиддий қаршилик кўрсатишди. Шунчаки, шу куни бизнинг ўйинимиз ўхшади. Шу боис рақиб кучсизроқдек кўрингандир?! Баҳсдаги илк гол урганимдан хурсандман. Қолаверса, бу гол менинг "Обод" сафидаги биринчи голимга айланди. Дастлабки голим жамоадошларимнинг кайфиятини кўтарган бўлса, Шоҳруз Норхонов томонидан урилган гол ўйин тақдирини ҳал қилди. Келаси турларда ҳам шундай муҳим голлар уришни мақсад қилганман.

Навбатдаги турда бизни янада қийин учрашув кутиб турибди. "Андижон"га қарши баҳс қайси клуб олий лигада қолиш-қолмаслигига ойдинлик киритади. Ўйлайманки, ўша жамоа биз бўламиз ва олдимизга қўйилган вазифани уддалаймиз. Жамоадошларимда бунга ишонч жуда юқори. Раҳбарият ҳам барчамизни қўлламоқда. 16 ноябрь куни бизга ишонганларнинг барчасини ишончини оқлаймиз, деган умиддаман.

"Обод" ФК матбуот хизмати