Самвел Бабаян: "Ижарадаги футболчиларнинг ўйнамаслиги ҳақида банд уларнинг шартномаларида бор"

"Пахтакор"га қарши ўйинда ҳар қандай жамоа кучли ўйнашга ҳаракат қилади. Бугун ҳам шундай бўлди, вазиятлардан фойдалана олишда ҳамон оқсаяпмиз. Биз ҳақли тарзда ғалабага эришдик деб ўйлайман, кўпроқ вазиятлар яратдик, 96-дақиқада гол уриб уч очкони қўлга киритдик. "Динамо" сафида ижарадаги ўйинчиларимиз иштирок этишмаган бўлса ҳам улар кучли ўйин намойиш этишди",  - деб гап бошлади Бабаян.

"Клубимизда менежер лавозимини жорий этилиши кейинчалик Ўзбекистон учун оддий ҳол бўлишини истайман. Жамоага янги бош мураббий олиб келиш режада борми? Йўқ, янги менежер олиб келиниши мумкин, мураббий эмас".

"Ижара берган футболчиларимизнинг "Пахтакор"га қарши ўйнамаслиги шартномаларида ёзиб қўйилган. Уларнинг барчаси "Динамо"га мутлақо текинга берилган. "Андижон"га ҳам икки футболчини берганмиз, улар бизга қарши майдонга тушишди. Сабаби "бургутлар" билан аввалдан шундай келишув бўлганди".

"Сўнгги гол борасида нима дея оламан. Қўшимча вақтдан ўтиб кетди? Шахсан мен 90+6-дақиқада урилганини кўрдим. Ҳакам 5 дақиқа қўшиб берди. Қўшимча вақтларда иккита ўзгариш бўлди, "Динамо" футболчилари майдонда ёрдам олишди. Ўзингиз қўшиб олаверинг", - дейди Самвел Бабаян.

Беҳбуд Эркинов ёзиб олди.