Самандар Шодмонов: "Тур рамзий терма жамоасига киришимни ҳаёлимга ҳам келтирмагандим"

5-турда собиқ жамоаси "Машъал"га қарши кечган учрашувда Шодмонов шу куни бошқа футболчиларга нисбатан фаол ҳаракат қилди. шу боис уни "СА" ижодкорлари турнинг рамзий терма жамоасига киритди.
 
- Телефонимдан championat.uz адреси бўйича кираман. Бошқа сайтларга нисбатан бу сайтни жуда ҳурмат қиламан. Чунки хабарлар тезкорлик билан бериб борилади. Айниқса бошқа учрашув натижалари билан оперативлик билан танишиб бориш имкониятига эга бўлмоқдамиз. Ҳар бир ўйиндан янги расмларни бериб борилиши ҳам мен каби бошқа футболчиларни ҳам қизиқтиради ва уларни сайтга киришига туртки беради.

- Матбуотда нима бўлаётгани билан доимо қизиқиб бораман. Бунинг учун интернет сайтларига киришдан ташқари ҳар ҳафта футболга оид газеталарни ҳам сотиб олиб мутолаа қиламан. Олдинги тур рамзий терма жамоаларини ҳам кўрганман.

- Очиғини айтсам, 5-тур рамзий терма жамоасидан ўрин олишимни кутмагандим. Чунки жамоам бу турда ўз майдонида ғалаба қозона олмади. Қолаверса ўзим ҳам қулай вазиятлардан унумли фойдалана билмадим. Шу боис шахсан ўзим шу куни намойиш этган ўйинимдан кўнглим тўлмади. Лекин championat.asia сайтининг ижодкорларига шунчалик эътибор қаратгани учун миннатдорчилик билдириб қоламан. Насиб қилса келаси турларда бундан-да мазмунли ўйин кўрсатишга ҳаракат қиламан", - дейди Самандар Шодмонов.


Исломбек Рустамбеков.