Салоҳ Рамоснинг гапларига жавоб берди

Эслатиб ўтамиз, Салоҳ "Қироллик клуби"га қарши Чемпионлар лигаси финал баҳсида (1:3) Рамос билан курашдан сўнг, қўлидан жароҳат олиб, майдонни тарк этган эди. Кейинроқ испаниялик ҳимоячи ушбу курашда "Ливерпуль" футболчиси биринчи бўлиб унинг қўлини ушлаб олгани ҳақида айтди.

"Рамос сўзлари? Бу кулгили. Сизни йиғлашга мажбур қилган инсон кулдира бошласа, бу ёқимли. Балки у жаҳон чемпионатига тайёр бўлишим ҳақида айтиб берар? У менга хабар юборди, бироқ ҳеч қачон унга ҳаммаси жойида демаганман. Ҳаммаси қоида доирасидамиди? Билмайман.

Йиқилганимда, жисмоний оғриқ ва ҳавотир туйғулари аралашиб кетди. Ундан сўнг алам ва ғазаб пайдо бўлди. Бироқ энди яхшиман. Уругвайга қарши илк ўйинда майдонга тушишга умид қиляпман. Ҳаммаси ўзимни қандай ҳис қилишимга боғлиқ" - дейди Салоҳ.