Рустам Ашурматов: "Ал Шабаб"га қарши ўйин жуда муҳим"

"Янги мавсумга режа бўйича яхши тайёргарлик кўрдик. Дубайда кучли рақибларга қарши ўртоқлик учрашувлари орқали муҳим баҳсга ҳозирландик. Бунгача фақат ўз ўйинимизни яхшилаш устида ишладик. "Ал Шабаб" ҳақидаги батафсил маълумотларни мураббийларимиз бизга тақдим этишади. 9 февралдаги ўйин жуда муҳим. Рақибни ўрганиш жараёни ҳам бошланди. Таркибга келган барча янги футболчилар жамоа учун фойда келтириш ҳақида ўйламоқда. Александр Алемпиевич тажрибали футболчи экани кўриниб турибди, таянч ярим ҳимоячиси ўрнида ўйнайдиган сербиялик футболчи билан тез чиқишиб кетдик. Жавлон Мирабдуллаев билан ёшликдан танишман. Шу боис ўзаро тушуниш борасида ҳеч қандай муаммо бўлмайди", - дейди Рустам Ашурматов.

- Бахтиёр Ашурматов "Андижон"да иш бошлади. Бугун бу жамоага қарши ўйнадинглар...
- Тоғамга янги иш жойида фақат омад тилайман. Улар учун ҳам қайғураман албатта. "Андижон" жамоаси юқори ўринларга курашадиган жамоа бўлишини тилаб қоламан.