UZ

Сўнгги янгиликлар

02:10ЕЧЛ. "Бавария", "Ливерпуль" ва "Челси"да йирик ғалаба. "Тоттенхэм" "Монако" билан дуранг ўйнади  7 01:55ЕЧЛ. Беллингемнинг ягона голи "Реал Мадрид"га "Ювентус" устидан ғалаба тақдим этди  20 00:39ЕЧЛ. "Қорабоғ" ушбу мавсум турнирдаги илк мағлубиятини "Атлетик"дан қабул қилиб олди. "Галасарой" эса йирик ҳисобда зафар қучди  1 00:30Туркия. "Истанбул Башакшеҳир" "Ризеспор" билан дуранг ўйнади. Шомуродов тўлиқ ўйнади, Алиқулов ва Файзуллаев эса...  5 00:20Максим Шацких: "Икки очко йўқотдик. Рақиб дурангни нишонлади"  5 23:04ОЧЛ 2. "Аркадағ" Қатарда "Ал Аҳли"га қарши камбэк амалга ошириб, мағлубиятдан қутилиб қолди. "Андижон"нинг гуруҳидаги вазият қизиқарли тус олмоқда  8 22:24Ўзбекистон термаси бош мураббийи Фабио Каннаваро "Реал" – "Ювентус" ўйинида стадиондан туриб экспертлик қилади  15 22:05Али Ашур: "Андижон" бугун жуда кўп югурди, улар ўз мухлислари учун жанг қилишди. Баъзида бундай энергияга қарши курашиб бўлмайди"  7 21:33Ла Лигада ой ўйинчиси бўлиш учун номзодлар эълон қилинди  3 21:01ОЧЛ 2. "Ал Насср" Ҳиндистонда "Гоа" устидан ғалаба қозонди  6 20:39ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"  122 20:23Алаба "Реал"дан янги шартнома хоҳламоқда, клуб эса йўқ  1 19:46Каррагер: "Арсенал" - ЕЧЛни ютиши мумкин бўлган 4–5 клубдан бири"  0 19:15Ньом Винисиусни юзига ургани учун 2 та ўйинга четлатилди  1 18:24ЖЧ-2026. Осиёда бешинчи саралаш босқичи ўйинларининг саналари маълум бўлди  14

Руслан Аҳмедов: "Аста-секинлик билан молиявий томондан барқарорлашяпмиз" Янгиликлар

Руслан Аҳмедов: "Аста-секинлик билан молиявий томондан барқарорлашяпмиз"

Про-лиганинг 14-тури доирасида "Андижон-SGS" устидан қозонилган ғалабадан кейин "Хоразм" бош мураббийи Руслан Аҳмедов ўз фикрларини билдирди.


- "Хоразм" жамоаси мухлисларини ғалаба билан табриклайман. Бугунги ўйинимиз барчага ёқди деб ўйлайман. Чунки жамоамиз жуда ҳаракатчан ўйнади. Учрашувнинг дастлабки 10-15 дақиқалигида 3-4та яхши вазиятлар бўлди. Ушбу вазиятларни голга айлантириш керак бўлганида йигитларда ҳаяжон кузатилмоқда. Биринчи гол урилгандан кейин темп пасайиб кетди. Танаффусда йигитларга қаттиқ гапирдим. Чунки футбол 90 дақиқа ўйналади. Биринчи бўлим билан футбол тугамайди. Иккинчи бўлимда ҳаракатларни кўпайтирдик ва кўпроқ вазиятлар яратдик. Шуларнинг иккитасини голга айлантирдик. Ҳаммани ғалаба билан табриклайман. Чиройли ўйин бўлди. Энди навбатдаги ўйинларга тайёрланамиз. Бир ўйинимиз қолдирилгани сабабли кубок баҳсини қўшсак, 3 сафар учрашувини ўтказамиз. 

- Жамоа иккита ўйинда 6та гол урди. "Хоразм" ҳужум чизиғининг ишлари ўнгланяпти, десак бўладими?

- Тактик жиҳатдан айрим нарсаларни ўзгартирдик. Биринчи даврада молиявий ҳолат сабабли йигитларнинг руҳий ҳолатига таъсир бўлди. Шу боисдан ўйин натижаларида ҳам бу сезилди. Секинлик билан барчаси барқарорлашиб, яхши томонга ўзгаряпти. Клуб йигитларнинг пулларини бермоқда. Шундан кейин омад ҳам келаётгандек, вазиятлардан фойдаланяпмиз. Футболда бундай ҳолат ҳам бор. Йигитларни молиявий томонлама қизиқтиришса, иштиёқ билан майдонга тушади. Яратилган вазиятлар ҳам голга айланади. Умуман олганда биринчи даврада ҳам ёмон ўйнаганимиз йўқ, шунчаки вазиятлардан голлар уришда омад келмади. Балки буни тасодиф деса ҳам бўлади. Кубокда ҳам яхши ўйнадик, бугун ҳам. Давомли бўлсин энди.

- Жамоанинг навбатдаги ўйини "Арал"га қарши. Бу принципиал ўйин. Ушбу учрашувга алоҳида бошқача тайёргарлик кўриладими?

- Кубокда "Металлург"га қарши ўйиндан кейин "Арал" билан ўйин 12 октябрга кўчирилди. Унгача кетма-кет сафар ўйинларимиз бор. "Арал"гача ҳали анчагина ўйинларимиз бор. 3 сентябрда бўлиши керак эди бу учрашув. Энди ўша куни биз кубокда ОКМК меҳмони бўламиз. 

- Иккинчи даврада жамоага келган янги футболчилар Темур Исмоилов ҳамда Қадамбой Нурметов ҳақида фикр билдирсангиз.

- Улар ҳам яхши футболчилар. Аста-секинлик билан жамоага яхши қўшилишмоқда. Улар жамоа йиғинларида қатнашмагани сабабли энди-энди ўзларининг жисмоний ҳолатига қайтишмоқда. Мана бугун ҳам жамоага яхшигина ёрдами тегди. Келаси ўйинларда улар янада кучайиб, чиройли ўйинлар кўрсатишига умид қилиб қоламан.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика