"Рубин" футболчисида коронавирус аниқланди

Бу ҳақда Қозон клубининг матбуот хизмати хабар бермоқда.

Айни пайтда 23 ёшли футболчи ўзини яхши ҳис қилмоқда ва у апрелдан бери изоляцияда бўлган Владикавказда шифокорлар назоратида бўлиб турибди. Қайд этиш керакки, футболчи жамоадаги шериклари билан алоқа қилмаган.

"Константинга тез орада тузалишини тилаймиз", - дейилади "Рубин" хабарида.

Олдинроқ, Татаристон раҳбарияти машғулотлар учун чекловларни олиб ташлаган ва бу орқали "Рубин" базага қайтиш имкониятига эга бўлган эди.

Константин Плиев жорий мавсум РПЛда 12та ўйинда майдонга тушган.