РПЛ. Ўйин танаффуси вақтида мураббий истеъфога чиқарилди

Учрашувнинг танаффуси вақтида мезбонлар устози Андрей Талалаев истеъфога чиқарилди.

“Ўйин танаффуси вақтида Талалаев ҳамда Грозний клуби раҳбарларидан бири ўртасида жанжал юзага келди. Ўшандаёқ мураббийни истеъфога чиқариш борасида принципиаль қарор қабул қилиб бўлинганди. Талалаев 2-таймда стадионни тарк этди”, дея хабар бермоқда “Championat.com”.

“Аҳмат” 9 ўйиндан кейин 9 очко билан турнир жадвалида 9-ўринда бормоқда.

Шу тариқа, Талалаев жорий мавсум 9-турдан кейин лавозимини тарк этган 7-мураббийга айланди ва бу мусобақа антирекорди ҳисобланади. Аввалроқ, Игорь Шалимов (“Урал”), Сергей Юран (“Химки”), Александр Бородюк (“Торпедо”), Николай Писарев (“Химки”), Марвин Комппер (“Локомотив”) ва Олег Василенко (“Факел”) истеъфога чиқарилганди.