Рўзиқул Бердиев: "Эртага 12-ўйинчи билан ҳаракат қиламиз"
04 апр 2016 11:55
Янгиликлар
![](https://championat.asia/upload/storage/203579_original.jpg)
![](/upload/storage/203579_220.jpg)
Рўзиқул Бердиев: "Эртага 12-ўйинчи билан ҳаракат қиламиз"
"Ютқазган ўйинаримизнинг барчасида рақиб жамоа мураббийлари, мухлислар яхши ўйнадинглар деб таъкидламоқда. Аммо бизда очко йўқ. "Ал Жайиш" жамоаси қарши ҳужумда жуда хавфли. Буни унутмаган ҳолда ҳаракат қиламиз. Эртанги учрашувда биз 12- ўйинчи билан ҳаракат қиламиз ва ишқибозларимизни ғалаба билан хушнуд қиламиз деб ўйлайман. Стадионга келадиган мухлисларимиз бизни қўллаб-қувватлашса, бу нарса футболчиларимизга қўшимча куч беради. Бизни оғир ва осон бўлмаган баҳс кутиб турибди. Очко йўқотишга ҳаққимиз йўқ. Тартибли, шиддаткор футбол орқали ўз мақсадимизга эришамиз деб умид қиламан. Ҳужумда ўйнаган ҳолда рақибнинг қарши ҳужумларидан эҳтиёт бўлишимиз лозим. Баҳром Абдурахимов кечадан бошлаб машғулотларга қўшилди. Унда бироз оғриқ бор, аммо ўзининг айтишича, майдонга тушиб жамоага ёрдам беришга тайёр. Ҳужумда ким ўйнашини эса эртага ўйин олдидан ҳал қиламиз. Футболчилардан ортиқча босимни олиб ташлаб, ўз ўйинимизни намойиш қилишлари учун тайёрлаймиз. Хотиржам ўйнашимиз лозим", - деди Рўзиқул Бердиев.
Шерзод Аъзамов: Эртанги баҳсда очко йўоқтишга ҳаққимиз йўқ. Бизни фақат ғалаба қаноатлантиради. Ҳар бир очко йўқотилиши бизни плей-оффдан узоқлаштиради. Биз "Ал Жайиш"га қарши ўйинга тайёрмиз. Худо хоҳласа "Ал Жайиш" билан бўладиган учрашувда ғалаба қозонамиз. Рақиб таркибида бир қатор кучли ва малакаси юқори футболчилар кўп. Ҳамдаллаҳ, Ромариньо, Рашидов сингари ҳавфли футболчилар бор. Ҳамдаллаҳнинг устун жиҳати унинг техникаси юқори ва катта тажрибага эга. Унинг тўп билан муомала қилиш санъати юқори даражада. Умид қиламизки, эртага бўладиган беллашувда ўз мақсадимизга эришамиз.
Ўхшаш янгиликлар
![AMP Logo](https://championat.asia/image/logo-amp.png)
Фикрлар