Рўзиқул Бердиев: "Чиройли ғалабани қўлга киритдик"

"Ўтган байрамлар билан барчани табриклайман. Мухлисларимизни эса ғалаба билан муборакбод этаман. Ўйин тўлиқ бизнинг ташаббусимиз остида ўтди. Футболчилар катта ишонч билан ўйнади ва ҳақли ғалабага эришдик. Натижа ўйинга мос бўлди. "Локомотив" билан ўйиндан кейин йигитларда бироз руҳий тушкунлик бор эди ва биз бу борада футболчиларни тайёрлашга ҳаракат қилгандик. Бугун йигитлар катта иштиёқ билан ўйнашди ва чиройли ғалабани қўлга киритишди. Шоҳруҳ Гадоев бугун чап қанот ҳимоячиси ролида ўйнади. Чунки Фарруҳ Сайфиевнинг дисквалификацияси борлиги сабаб биз Гадоевдан ҳимоячи сифатида фойдаланишга мажбур бўлдик. Шоҳруҳ Гадоев ўзи учун ноқулай позицияда ёмон ҳаракат қилмади ва асосийси ўйинимизни бузиб қўймади. Унинг ҳаракатларидан қониқдим. Бу ғалабани унутган ҳолда, биз ҳозирдан кейинги "Металлург"га қарши баҳсга тайёргарликни бошладик", - деди Рўзиқул Бердиев.