Роналду: "Ёшлигимда жуда озғин эканлигимни айтишарди"

"Тер тўкиб ишлаш лозим ва мен буни ҳар куни бажараман. Айнан шу туфайли бир неча йилдан бери ўзимнинг даражамни сақлаб турибман. Бу тасодиф эмас. Ёшроқ пайтимда менга шундай дейишар эди: "Криштиану сенда иқтидор бор, аммо жуда озғинсан". Кейин бироз семирдим. Тренажор залидаги доимий машғулотлар кучли бўлишимга сабаб бўлди, шундай экан, ҳаммаси сенинг хоҳишингга боғлиқ. Атлетизм сенга кўплаб устунликлар беради. Майдондан ташқарида ҳам ўз устимда ишлайман ва шу туфайли йил давомида яхши формада бўламан. Мен бошқача бўла олмайман" - дейди Роналду.