Роналду "Nike" рекламаси учун болалигидаги суратдан "Adidas"ни олиб ташлади (фото)
05 июн 2017 10:24
Янгиликлар

Роналду "Nike" рекламаси учун болалигидаги суратдан "Adidas"ни олиб ташлади (фото)

"Реал" ҳужумчиси Криштиану Роналду Чемпионлар лигасидаги ғалабасидан сўнг, "Твиттер"да "Nike" лопотипи билан болаликдаги суратини тақдим этди.

"Қироллик клуби" Чемпионлар лигаси финалида "Ювентус"ни 4:1 ҳисобида мағлуб этди. Учрашув якунларига кўра, португалиялик ўйиннинг энг яхши футболчиси деб топилди.

Спортчи шу муносабат билан "Twitter"га "Бу болакай билар эди" сўзи ва Nike логотипи билан болаликдаги суратини жойлади. Ушбу компания португалиялик билан бир умрлик шартномага имзо чеккан. Ҳар йили Роналду ушбу компаниядан 24 млн. доллар олади. Forbes маълумотларига кўра, футболчининг ижтимоий тармоқлардаги брендли рекламалари "Nike"га 2016 йилда 500 млн. доллар даромад келтирган.

Ушбу сурат эълон қилинганидан сўнг, футболчининг ўқувчилари расмнинг оригинал вариантини тармоққа жойлашди ва унда Роналду кийиб олган кийимда Adidas белгиси бўлган.