Роналду "Манчестер Юнайтед"дан ўзини сотишни сўради. У фаолиятининг охиригача ЕЧЛда ўйнамоқчи

Португалиялик футболчи клуб раҳбариятига яхши таклиф келиб тушса, ўзини сотишни сўраб мурожаат қилган.

37 ёшли ҳужумчи фаолиятининг охиригача ҳар мавсум Чемпионлар Лигасида ўйнашни мақсад қилган – унинг фикрича, у яна 3-4 йил ҳаракат қилади.

Роналду "Манчестер Юнайтед"га 2021 йил август ойи охирида қайтганди. У 2021/22 йилги мавсумда жамоа учун барча мусобақаларда 38 та ўйинда 24 та гол урди ва 3 та голли узатмани амалга оширди.

Ҳужумчининг клуб билан шартномаси 2023 йилнинг 30 июнига қадар мўлжалланган.