Роналду илк бор кетма-кет 2 та финалда ютқазди

Бу Турин клуби етакчиси Криштиану Роналду учун кетма-кет 2 та финал баҳсининг бой берилиши бўлди. Португалиялик футболчи “Юве” билан аввалроқ Италия Суперкубоги финалида “Лацио”га (1:3) ютқазганди. Бундай ҳолат Роналду билан илк бор рўй берди.

Шунингдек, “Ювентус” кетма-кет иккинчи мавсум Италия Кубогини қўлга кирита олмади. 2018/19 йилги мавсум кубок баҳсларида туринликлар 1/4 финалда “Аталанта”га ютқазиб, мусобақа билан хайрлашганди.

Унгача эса Турин клуби кетма-кет 4 марта мусобақа ғолиби бўлган (2014/15, 2015/16, 2016/17, 2017/18).