UZ

Сўнгги янгиликлар

12:30Ўзбекистон – Қатар ўйинини хитойлик ҳакамлар бошқариб боради  0 12:02ПСЖ "Бавария"дан 50 млн еврога ўйинчи харид қилиши мумкин  0 11:25Роналдуга КЖЧ иштирокчиси сафига ўтиш таклиф қилинди  5 11:00“Фенербахче“ ТОП трансфер амалга ошириши мумкин  0 10:35“Арсенал“ дунёнинг энг қиммат дарвозабонини сотиб олишга яқин  0 10:13БМБ иккита легионери билан хайрлашди  0 09:48Неймар коронавирус юқтириб олди  5 09:22Олимпия терма жамоамиз Қирғиз Республикасига қарши ўртоқлик учрашувида майдонга тушади  6 08:53Қатар терма жамоаси бугун Тошкентга келади  18 08:26Нодир Элибоев БМБ мураббийлигидан кетди, унинг ўрнига футзалимиз афсоналаридан бири бош мураббий бўлди  2 08:00Назорат учрашуви. “Нефтчи“ “Нефтчи“ билан дуранг ўйнади  3 07:37U-18 терма жамоамиз Беларусга ўта йирик ҳисобда мағлуб бўлди  16 02:17ЖЧ-2026 саралаши. Нидерландия ва Австрияда ғалаба, Албания ва Сербия ўртасидаги баҳсда ҳисоб очилмади  2 01:17Флик 36 ёшли футболчини "Барселона"да кўрмоқчи  8 00:03ЖЧ саралаши. Англия Андоррага биттагина гол ура олди  5

Ривалдо билан бир жамоада тўп тепиш бахтига муяссар бўлган Абдуқаҳҳор Ҳожиакбаров 31 ёшга тўлди Янгиликлар

Ривалдо билан бир жамоада тўп тепиш бахтига муяссар бўлган Абдуқаҳҳор Ҳожиакбаров 31 ёшга тўлди

Бугун "Сурхон" жамоасининг тажрибали футболчиси Абдуқаҳҳор Ҳожиакбаров таваллуд кунини нишонламоқда.

Қаҳрамонимиз бугун 31 ёшни қарши олмоқда. Абдуқаҳҳор Ҳожиакбаров сайтимизга берган интервьюсида футболга қандай кириб келгани ва "Бунёдкор"даги саргузаштлари ҳақида қуйидагича фикр билдирганди.

"9 ёшимда МҲСК футбол мактабига боргандим. Дастлаб борганимда 1989 йилда туғилганлар учун синф очилмаганди. Шу боис 1987 йилда туғилган футболчилар билан шуғулланиб юргандим. Саҳоб Жўраев ва бошқа машҳур ўзимдан икки ёш катта ўйинчилар билан ўйнардим. Кейин ўзим тенгилар билан шуғулланишни бошлагандим. У ерда Дилшод Арслонов, Руслан Ибрагимов ҳамда Темурхўжа Абдухолиқовнинг отаси Зоир Абдухолиқов каби мураббийлар билан ишлаганман. 

"Бунёдкор" фаолиятимда жуда ёрқин из қолдирган. Катта футболга кириб келишимга айнан шу клуб сабабчи бўлган. Бу жамоада дунёга машҳур мураббий билан ишладим, машҳур футболчилар билан бирга фаолият олиб бордим. Эсимда 2009 йилда МҲСК стадионига испаниялик жаҳонга машҳур футболчилар Карлес Пуйоль, Андрес Иньеста ва Францеск Фабрегас келиб мастер класс ўтиб беришганди. Шу ўйинчилар билан бир жамоада футбол ўйнаганимиз ҳеч қачон ёдимдан чиқмайди.

Иримларга ишонмайман. Яшил майдонга яратгандан жароҳат олмасликни ва юзимиз ёруғ бўлишини сўраб майдонга тушаман. 

Мураббийларим ҳақида гапирадиган бўлсам, Сколари – кучли мутахассис, машғулотлари жуда қизиқарли ўтарди, гоҳида қаттиққўл, гоҳида ҳазилкаш бўларди. Сколари йигитларга эркинлик яратиб берганди. Кечки пайт нима қилсанг ҳам эртасига майдонга тушиб яхши футбол ўйнаб берсанг бас дерди. Ҳеч қандай таъқиқ қўйилмасди. Барчамиз профессионал эдик, шу боис ўзимиздан кетиб қолмасдик ва режимда ушлаб турардик. Миржалол Қосимов - ёшларга эътибор қаратардилар. Аммо ўша пайтда жамоада рақобат жуда кучли бўлгани учун кам майдонга тушгандим. Игорь Шквирин – ўринбосарлар таркибида ўйнаб юрганимда менинг ҳаракатларимни кўриб “Олмалиқ”қа таклиф қилган ва асосий таркибдан жой берганди. Амет Мемет – жуда қаттиққўл мураббий. Тачмурад Агамуродов – тажрибали мураббий, барча нарсага жиддий ва профессионал тарзда қарайди. Аҳмад Убайдуллаев -  бу мураббий билан унча кўп ишламаганмиз. Ўз ишининг усталаридан бири. Вадим Абрамовни қаттиқ ҳурмат қиламан, ўринбосарлар сафида ўйнаётган бўлсам ҳам олимпия терма жамоасига чақирарди. 

Вадим Абрамов кўп мақтарди. Олимпия терма жамоаси сафида машғулотлардан олдин доим “Барселона” ўйинини кўриб таҳлил қилардик. Менинг ҳаракатларим Дани Алвешга ўхшашиб кетгани учун мақтарди. Ўзим ҳам шундай футболчига ҳавас қилардим". 

Сайтимиз ходимлари номидан Абдуқаҳҳор Ҳожиакбаровга соғлик ва саломатлик, фаолиятида эса улкан зафарлар тилаб қоламиз. 

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика