Рэтклифф МЮнинг 25% акцияси хариди ҳақида: "Мақсадларимиз – клубни инглиз, Европа ва дунё футболи чўққисига қайтариш"
24 дек 2023 23:12
Янгиликлар

Рэтклифф МЮнинг 25% акцияси хариди ҳақида: "Мақсадларимиз – клубни инглиз, Европа ва дунё футболи чўққисига қайтариш"

Жим Рэтклифф "Манчестер Юнайтед"ни дунё футболи чўққисига қайтаришга умид қилмоқда.

"Манчестер Юнайтед" бугун расман Ineos кимёвий компаниясига эгалик қилувчи британиялик миллиардерга клубнинг 25% акцияси сотилишини тасдиқлади. Битим 1,25 млрд фунтга баҳоланмоқда.

"Бутун умр давомида клубга мухлислик қиладиган маҳаллий фуқаро сифатида бизга клубнинг бошқарув фаолиятини бизга топширган "Манчестер Юнайтед" директорлар кенгаши билан келишувга эришганимиздан хурсандман. Клубнинг тижорий муваффақияти доим энг юқори даражада совринларни қўлга киритиш учун эркин маблағларни кафолатлаган, аммо сўнгги пайтларда бу имконият тўлиқ очилмаган. Биз клубни янада такомиллаштиришга ёрдам бериш учун глобал билим, тажриба ва Ineos'нинг кенг спорт гуруҳидан иқтидорларни олиб келамиз, шунингдек "Олд Траффорд"га бўлажак сармоя учун мўлжалланган маблағларни тақдим этамиз.

Бу ерда узоқ бўламиз ва олдимизда жуда кўп қийинчиликлар ва машаққатли меҳнат борлигини тан оламиз ва уларга қатъият, профессионаллик ва иштиёқ билан ёндашамиз. Биз клубнинг олға интилишига ёрдам бериш учун барча – бошқарув кенгаши, ходимлар, футболчилар ва мухлислар билан ишлашни хоҳлаймиз. Бизнинг мақсадларимиз аён: "Манчестер Юнайтед"ни ўз жойига, яъни инглиз, Европа ва дунё футболи чўққисига қайтаришни хоҳлаймиз", – дейди Рэтклифф.