"Реал" Хоселуни "Эспаньол"дан харид қилиб, дарҳол сотади
26 июн 2024 00:41
Янгиликлар

"Реал" Хоселуни "Эспаньол"дан харид қилиб, дарҳол сотади

Мадриднинг “Реал” клуби Қатар чемпионатига йўл олиши олдидан Хоселу “Эспаньол”дан сотиб олади.

"Реал"да ижара асосида ўйнаётган Хоселу Қатар чемпионатидан "Ал Гарафа"га ўтишга яқин экани аввалроқ хабар қилинганди.

Манбанинг хабарига кўра, "Реал Мадрид" форвардни Қатар клубига ўтишини осонлаштириш учун уни сотиб олиш вариантини фаоллаштиради. "Эспаньол" Хоселу учун 1,5 миллион евро олади.

Маълум қилинишича, Хоселу "Ал Гарафа"да мавсумига 8 миллион евро маош олади, бу унинг "Реал"даги маошидан анча кўп.

Ўтган мавсумда испаниялик футболчи "Реал" сафида 49 та ўйин ўтказиб, 17 та гол урди ва 3 та голли узатмани амалга оширди, шунингдек, клуб билан Суперкубоги ва Испания чемпионати ҳамда Чемпионлар лигасида ғолиб чиқди.

Ҳавола :

Манба : AS

Янгиликларни Телеграмда ўқинг!

Рейтинг: +8