"Реал" "Сантьяго Бернабеу" стадиони номини ўзгартириши мумкин

Мадриднинг "Реал" жамоаси "Сантьяго Бернабеу" стадиони номини ўзгартириш масаласини кўриб чиқмоқда. Бу ҳақда Sport.es нашрида хабар берилди. Нашр маълумотларига кўра, спорт иншоотининг номи "Бернабеу"га қисқартирилиши мумкин. Бунда афсонавий футболчи, мураббий ва Испания жамоаси президенти бўлган Сантяго Бернабеуга тегишли қисм олиб ташланади. Бундай қадам стадион номини ёдда сақлашни осонлаштиради, бу эса мухлислар сонининг кўпайишига ва бренд молиявий ривожланишига олиб келади. Бироқ, клуб аъзолари ва мухлисларнинг бир қисми бундай қисқартиришга қарши чиқмоқда.

Эслатиб ўтамиз, 2019 йилда "оқ кийимлилар" стадионининг қайта қуриш ишлари бошланган бўлиб, бунга 1,3 миллиард евродан ортиқ маблағ сарфланган. Янгиланган стадион 85 454 томошабинни сиғдира олади.