"Реал" Ольмога қизиқиб қолди. У клуб учун 30 млн еврога тушиши мумкин
10 фев 2021 22:48
Янгиликлар

"Реал" Ольмога қизиқиб қолди. У клуб учун 30 млн еврога тушиши мумкин

"РБ Лейпциг" ярим ҳимоячиси Дани Ольмо Мадриднинг "Реал" клуби қизиқишлари доирасига тушиб қолди, дея хабар тарқатди "Ok Diario".

"Қироллик клуби" Ольмо орқали жамоани тарк этиши кутилаётган Лукас Васкеснинг ўрнини тўлдирмоқчи. 22 ёшли испаниялик футболчининг ўзи ҳам ватанига қайтишга қарши эмас.

Таъкидланишича, жамоанинг ҳужум чизиғини кучайтириш "Реал" раҳбарияти учун ёзги трансфер ойнасидаги бирламчи вазифа ҳисобланади.

Ольмонинг трансфери мадридликлар учун 30 млн еврога тушиши тахмин қилинмоқда. Футболчининг манфаатларини ҳимоя қилувчи агент — Хуанма Лопес "Реал Мадрид" билан яхши муносабатда. У "қаймоқранглилар" вакили Начо Фернандес ҳамда жамоанинг собиқ форварди Альваро Моратанинг вакили ҳисобланади.

Эслатиб ўтамиз, Ольмо 2007-2014 йилларда "Барселона" академиясида таҳсил олган. У "Лейпциг" таркибига 2020 йилнинг январь ойида Загребнинг "Динамо" жамоасида келиб қўшилган эди (21 млн евро эвазига).

Бундеслиганинг жорий мавсумида 20 та учрашув ўтказган ярим ҳимоячи 3 гол, 5 та голли узатмага муаллифлик қилган.

Ҳавола :

Манба : Ok Diario

Янгиликларни Телеграмда ўқинг!

Рейтинг: +2