"Реал" "Манчестер Сити" билан трансфер борасида келишиб олди
28 дек 2018 13:52
Янгиликлар

"Реал" "Манчестер Сити" билан трансфер борасида келишиб олди

"Манчестер Сити" ярим ҳимоячиси Браим Диас фаолиятини "Реал"да давом эттиради.

Маълумотларга кўра, клублар келишувга эришган. 19 ёшли футболчининг "шаҳарликлар" билан шартномаси ёзда якунига етади, аммо "қаймоқрангилар" Диасни январь ойида 15 млн. евро ва бонуслар эвазига сотиб оладиган бўлди.

Диас "Реал" билан 6 йилга мўлжалланган шартнома имзолайди. Унинг шартлари бўйича, футболчининг мавсумий маоши 3,5 млн. евро бўлади. Ушбу трансфер келаси ҳафтада эълон қилинади.

Диас 2014 йилнинг январида 350 минг евро эвазига "Малага"дан "Манчестер Сити"га ўтган эди. Жорий мавсум у АПЛ учрашувларида майдонга тушмади.

Ҳавола :

Манба : Marca

Янгиликларни Телеграмда ўқинг!

Рейтинг: +11