"Реал" клублар ўртасидаги ЖЧдан қанча пул ишлаб олиши мумкин?

Маълумотларга кўра, Мадрид клуби гуруҳ босқичидаги иштироки учун кафолатланган 30 млн. еврога эга бўлади. "Қаймоқранглилар" ушбу босқичдаги барча баҳсларда ғалаба қозонишса маблағ 35 млн. еврога етади.

Агар "Реал" ярим финалгача чиқса улар ишлаб топган умумий пул 60 млн. еврони ташкил қилди. Финалга етиб боришса ушбу маблағ 80 млн. еврога етади.

Мусобақадаги ғалаба "Қироллик клуби" учун умумий қилиб ҳисоблаганда 100 млн. евро мукофот пулини тақдим қилади.

Тўловларни тақсимлашда УЕФА коэффициентлар рейтинги, клубнинг маркетинг қиймати ва телеҳуқуқларнинг бозор нархи ҳисобга олинади.

Янги форматдаги клублар ўртасидаги жаҳон чемпионати 2025 йил АҚШда бўлиб ўтади. Унда 32та жамоа иштирок этади.