“Реал” Флорентино Перес раҳбарлигидаги 900 ўйинини ўтказди
17 мар 2019 01:42
Янгиликлар
“Реал” Флорентино Перес раҳбарлигидаги 900 ўйинини ўтказди
“Реал” бугун ЛаЛиганинг 26-турида “Селтани” мағлуб этди. Мазкур учрашув “қироллик клуби”нинг Флорентино Перес раҳбарлигидаги 900-ўйинига айланди.
72 ёшли президент қўл остида “бланкос”лар 596та ғалабани қўлга киритиб, 151та дурангни қайд этган. Қолган 153 баҳсда эса рақибларнинг қўли баланд келган. Переснинг “Реал”даги фаолияти давомида жамоа турли мусобақаларда 24та совринга эга чиқди. Ўйинлар ва титуллар борасида у фақатгина Сантьяго Бернабеу Йестедан ортда қолмоқда.
Бернабеу “қаймоқранглилар”ни 1943-1978-йиллари бошқарган. Унинг даврида “Реал” 1407 бора майдонга тушиб, 811 ғалаба, 272 дуранг ва 324 мағлубиятни қайд этган. Шунингдек, жамоа 35та совринни ўзиники қилиб олган.
Эслатиб ўтамиз, Перес 2000-2006-йилларда “Реал” президенти сифатида илк марта фаолият олиб борган бўлса, 2009-йилда ўтказилган сайловда ғолиб чиқиб иккинчи маротаба “бланкос”лар раҳбарига айланган.
Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Криштиану Роналду фаолиятида илк бор Португалия термаси сафида қизил карточка олди
Фикрлар