Равшан Ҳайдаров: "Асосийси натижа ва бунга эришдик"

"Биз учун бугунги ўйин оғир бўлишини билар эдик. Янгиланган таркиб билан майдонга тушган ҳар икки жамоа ҳам ғалаба учун ўйнади. Биз ўз ўйинимизга таянган ҳолда ўйнадик. Уларнинг мақсади ҳам аниқ эди. Мен футболчилар ҳали бир бирини яхши тушиниб олмаганлиги учун эҳтиёткор ўйнаш кераклигини айтган эдим. Асосийси натижа ва биз бунга эришдик. Натижадан хурсандман".

"Бизни охирги тиббий кўрикдан уч нафар ўйинчимиз ўта олмади. Сайфиев, Дадашев, Маматказинларда ушбу муоммо бор. Шарофутдинов эса иккита ўйинни ўтказиб юборади. Саматов ҳам назорат учрашувида олган жароҳатидан ҳали тўлиқ халос бўлганича йўқ".

"Мени Клецков борасида аниқ хабарим йўқ. Билишимча у турк клубига ўтган ва шартнома тузган. Аниқ нарса айтиб мушкул,  лекин жамоамиздан кетганини биламан хoлос".

"Шўртан" га қарши ҳам фақат шу ўйинчилар билан ўйнашга мажбурмиз. Тиббий кўрикдан ўта олмаганлар эса иккинчи турдан сўнг қайтадан ўтиши мумкин."

"Ҳали жамоага келиб қўшилган янги ўйинчилар ҳақида бирон нарса дейиш қийин. Муҳитга ва жамоага мослашиши керак. Шунинг учун ўйинга таъсир ўтказди дея оламан. Ўйлайманки тезда улар ҳам киришиб кетишади".

"Ёзги трансферда вақт кам ва ҳужумчи олиш қийин. Яхши ҳужумчи бўлса уларнинг ўзига ҳам керак бўлади. Агар тасодифан номдор, яхши ҳужумчи чиқиб қолса жой деб оламиз".