Равшан Эрматов ЖЧ-2014да энг яхши уч ҳакамдан бири бўлиб қолмоқда
27 июн 2014 16:32
Янгиликлар

Равшан Эрматов ЖЧ-2014да энг яхши уч ҳакамдан бири бўлиб қолмоқда

Равшан Эрматов Worldreferee.com сайти версияси бўйича жаҳон чемпионатидаги энг яхши арбитрлар учлигида эгаллаган ўрнини сақлаб қолди. Бу ҳақда UzDaily хабар берди.

Worldreferee.com сайти мухбирлари Эрматовнинг Германия – АҚШ ўйинидаги ҳакамлигини 6 балл билан баҳолаган бўлса, сайт фойдаланувчилари унга 8,8 балл қўйишди, деб ёзади Daryo.uz.

Айни пайтда Эрматов 7,8 балл билан мундиал матчларини бошқарган ҳакамлар ичида учинчи ўринни эгаллаб турибди.

Эслатиб ўтамиз, 26 июнь куни Равшан Эрматов Германия ва АҚШ жамоалари ўртасидаги баҳсга ҳакамлик қилди. Бу унинг жаҳон чемпионатларидаги саккизинчи матчи бўлди.

Ҳамюртимиз у каби саккизта учрашувни бошқарган Жоэль Кинью (Франция), Хорхе Ларрионда (Уругвай) ва Бенито Арчундиа (Мексика)лар рекордини такрорлади.

Равшан Эрматов 2010 йил ЖАРда бўлиб ўтган футбол бўйича жаҳон чемпионатида бешта учрашувга ҳакамлик қилган. Жорий турнирда эса у учта матчни бошқаришга улгурди, унинг янги рекорд ўрнатиш эҳтимоли катта.

Ҳавола :

Манба : kun.uz

Янгиликларни Телеграмда ўқинг!

Рейтинг: