Расмий хабар: Сергей Лушан – “Бунёдкор” бош мураббийи

Хабарингиз бор, Миржалол Қосимов эътиборни миллий терма жамоага қаратгач, “Бунёдкор”ни вақтинча Александр Волков бошқарди.

3 июнь куни “Бунёдкор” футбол клубида йиғилиш бўлиб ўтди. Унда жамоа аъзоларига янги бош мураббий Сергей Лушан расман таништирилди.

Сергей Иванович “Бунёдкор” футбол клуби учун бегона эмас. У 2007-2008 йиллар давомида “қалдирғочлар” сафида ҳаракат қилган. 2009 йилдан бошлаб футбол мактабимизда ёш спортчилар билан ишлаб келаётганди. Шунингдек, у ўз шогирдлари билан бирга “Бунёдкор-2” номи остида биринчи лига баҳсларида қатнашди. “Бунёдкор” ёшлар жамоаси билан ҳам ишлади. Умуман олганда, Сергей Лушан “Бунёдкор” футбол мактабига пойдевор қўйган инсонлардан бири. У бош мураббийликкача босқичларни босиб ўтгани ҳам эътиборга молик.

Сергей Лушаннинг “Бунёдкор” ФК бош мураббийлигидаги фаолиятига омад ва зафарлар тилаб қоламиз.

БИЗНИНГ МАЪЛУМОТ:
Тўлиқ исми: Сергей Иванович Лушан
Туғилган санаси: 09.04.1973
Туғилган жойи: Тошкент шаҳри
Футболчилик фаолияти:

Йил	Жамоа	Ў	Г
1993	“Патриот” (Москва, Россия)	?	?
1993	“Маъданчи” (Бекобод)	11	1
1994-1996	“Океан” (Находка, Россия)	93	11
1997-1999	“Крилья Советов” (Самара, Россия)	65	3
2000-2002	“Ростсельмаш” (Ростов, Россия)	52	0
2003	“Крилья Советов” (Самара, Россия)	5	0
2004	“Уралан” (Элиста, Россия)	3	0
2005	“Металлург” (Липецк, Россия)	26	1
2006	“Юнит” (Самара, Россия)	21	1
2007-2008	“Бунёдкор” (Тошкент)	39	6
1998-2003	Ўзбекистон миллий терма жамоаси	28	1

Мураббийлик фаолияти: 2009-2010 “Бунёдкор” футбол мактаби мураббийи, 2011-2013 “Бунёдкор” ёшлар жамоаси мураббийи, 2013-2014 “Бунёдкор” фарм-клуби мураббийи, 2014 йилдан бошлаб Ўзбекистон ёшлар терма жамоаси бош мураббийи, 2014 йил июнь ойидан “Бунёдкор” ФК бош мураббийи.