Расман: Рустам Ашурматов “Навбаҳор” билан хайрлашди
29 ноя 2022 09:10
Янгиликлар

Расман: Рустам Ашурматов “Навбаҳор” билан хайрлашди

“Навбаҳор” аъзоси Рустам Ашурматов клуб билан расман хайрлашганини ижтимоий тармоқдаги саҳифаси орқали хабар қилди.

У 2022 йил февралидан бери наманганликлар шарафини ҳимоя қилиб келаётганди. Ашурматов эркин агент мақомида Россиянинг “Рубин” жамоаси билан 3,5 йиллик шартнома имзолагани ҳақида маълумот бергандик. 26 ёшли футболчи якунланган мавсум Суперлигада 25 баҳсда қатнашиб, 2+1 натижага эришди.

Қозонликлар айни вақт Миллий футбол лигаси 20 туридан кейин 37 очко билан кучли учликда бормоқда. Пешқадам “Балтика” ҳисобида 41 очко бор. "Рубин" навбатдаги ўйинини 5 декабрь куни сафарда “Кубан”га қарши ўтказади.