Расман: ПСЖ Хави Симонсни ПСВдан сотиб олди ва "Лейпциг"га ижарага берди
19 июл 2023 21:45
Янгиликлар

Расман: ПСЖ Хави Симонсни ПСВдан сотиб олди ва "Лейпциг"га ижарага берди

Футболчи фаолиятини Германияда давом эттиради.

ПСЖ клуби ПСВдан Хави Симонсни сотиб олди. Трансфер нархи 6 млн еврони ташкил қилади. Симонс Париж клуби билан 2027 йилгача шартнома имзолади.

Парижликлар ушбу трансферни эълон қилишлари биланоқ, Симонснинг "Лейпциг"га ижарага берилганини расман маълум қилишди. Ярим ҳимоячи Бундеслигада бир мавсум ҳаракат қилади.

Маълумот учун, Симонс ПСВга 2022 йил ёзида бепул келиб қўшилганди. Футболчи ўтган мавсум Нидерландия чемпионатида 34 та ўйин ўтказди. Ушбу ўйинларда Хави 19 та гол ва 8 та ассист қайд этди.

Ҳавола :

Манба : psg.fr

Янгиликларни Телеграмда ўқинг!

Рейтинг: +3