Расман: "Навбаҳор" Абдураҳмонов трансферини эълон қилди

Бу ҳақда клуб матбуот хизмати хабар берди.

"Тажрибали ярим ҳимоячи Шоҳруҳ Абдураҳмонов жамоамиз билан шартнома имзолади. 

Шоҳруҳ Абдураҳмонов – 1999 йил, 8 март куни Тошкент вилоятининг Оққўрғон шаҳрида туғилган. 

Фаолияти давомида “Динамо” (Самарқанд, 2019-2021 йиллар, 2022 йилнинг 2-давраси), Беларуснинг “Энергетик - БГУ” (Минск, 2022 йил), “Бунёдкор” (Тошкент, 2023 йил), “Сўғдиёна” (Жиззах, 2024-2025 йиллар) жамоаларида ўйнаган. 

Бундан ташқари, Шоҳруҳбек Абдураҳмонов 2019-йили Ўзбекистон U-23 таркибида 3 та ўйинда майдонга тушиб, 1 та гол урган. 

Якунланган мавсумда “Сўғдиёна” таркибида Суперлига ва Ўзбекистон Кубоги баҳсларида жами 17 та ўйинда майдонга тушиб, 931 дақиқа ўйнаб, 2 та гол урди", – дейилади хабарда.

Аввалроқ "Эшитдик-да" рукни остида унинг "Навбаҳор"га ўтганини маълум қилган эдик.