Расман: Жасур Яхшибоев "Навбаҳор"га ўтди
16 июл 2022 13:29
Янгиликлар

Расман: Жасур Яхшибоев "Навбаҳор"га ўтди

Теглар : Жасур Яхшибоев Эшитдик-да!Навбаҳор

Кеча "Эшитдик-да!" рукни орқали Жасур Яхшибоев Наманганнинг "Навбаҳор" клуби билан музокара олиб бораётгани ҳақида хабар берган эдик.

Эшитдик-да! "Навбаҳор" Жасур Яхшибоев билан музокара олиб бормоқда

Бугун ана шу хабар ўз тасдиғини топди. "Навбаҳор" матбуот хизмати қанот ҳужумчиси Яхшибоев жамоага келиб қўшилгани ҳақида маълумот берди.

Жасур 1997 йил, 24 июнда Тошкент вилоятининг Чиноз шаҳрида туғилган. Жасур Яхшибоев катта футболдаги фаолиятини 2016 йили "Пахтакор"да бошлаган. Пойтахтликлар таркибида 2019 йилнинг ярмигача тўп тепган футболчи ўша йилнинг 2-даврасини Олмалиқнинг АГМК жамоасида ўтказади. Шундан сўнг, ҳужумчи фаолиятини хорижда давом эттиради. Яхшибоев 2020 йилги мавсумни Беларуснинг "Энергетик-БГУ" (Минск, 1-давра), "Шахтёр" (Солигорск) жамоаларида ўтказади.

Сўнгра фаолиятини Польшанинг "Легия" (Варшава, 2021 йилнинг 1-давраси), Молдованинг “Шериф” (Тирасполь, 2021 йилнинг 2-давраси, 2022 йилнинг 1-давраси) жамоаларида давом эттирган Жасур Яхшибоев ўтган йилнинг кузида "Шериф" таркибида Европа Чемпионлар Лигасининг гуруҳ босқичи баҳсларида Мадриддаги машҳур "Сантьяго Бернабеу" стадионида таниқли дарвозабон Тибо Куртуани доғда қолдириб, "Реал" дарвозасига гол уришга муваффақ бўлган ва ўша ўйинда тирасполликлар 2:1 ҳисобида ғалаба қозонишганди.

"Шериф"дан сўнг "Легия"га йўл олган маҳоратли ҳужумчи бир неча кун олдин польшаликлар билан тузилган шартномани бекор қилиб, юртимизга қайтишга қарор қилди.