Ракитич: "Барселона" футболчилари "Ювентус"га рақиб бўлганини билиб қувонишгани йўқ"
04 апр 2017 15:49
Янгиликлар

Ракитич: "Барселона" футболчилари "Ювентус"га рақиб бўлганини билиб қувонишгани йўқ"

"Барселона" ярим ҳимоячиси Иван Ракитичнинг сўзларига кўра, унинг жамоадошлари Чемпионлар лигаси чорак финалида рақиб "Ювентус" бўлишини билиб, қувонишгани йўқ.

"Қуръа? Биз хурсанд бўлмадик. Икки йил олдин улар билан ўйнаганмиз ва "кекса синьора" қанчалик кучли эканлигини биламиз. Марио Манжукич ҳам қуръа бундай тушишини истамаганини айтди.

"Ювентус" - камчиликларсиз клуб, уларда аниқ ғоялар ва ажойиб жамоа бор. Бизни оғир кураш кутиб турибди. "Ювентус" 5 йил кетма-кет А Серия ғолибига айланди, 2 йил олдин Чемпионлар лигаси финалида ўйнади.

"Ювентус" жаҳоннинг энг яхши клубларидан бири ҳисобланади, улар ғалаба қозонишга ўрганиб қолишган. "Севилья" сафида "Ювентус"га қарши Европа лигасида ўйнаганмиз" - дейди Ракитич.

Ҳавола :

Манба : Gazzetta Dello Sport

Янгиликларни Телеграмда ўқинг!

Рейтинг: +6