Рафинья "Челси"га ўтмагани сабабини айтди

"Ҳа, "Челси" таклифини рад қилдим. Чунки мендаги орзу "Барселона" либосида ўйнаш эди. Бу жамоани ёш болалигимдан, Рональдиньо давридан буён кузатиб келаман. Орзу исталган таклифдан кўра устунроқ бўлиб чиқди, бу ерда молиявий томоннинг ҳеч қандай аҳамияти бўлмади.

Бу ерга келиш, рўйхатдан ўтиш осон бўлмаслигини билардим. Ўз навбатида "Барселона"да қай даражада кучайишимни ҳам сездим. Шу сабабли клубга ишонишни ва ҳолатга мослашишни бошладим. Оилам менга тинчликпарвар бўлишни, барча ҳолатга позитив қарашни ўргатган. Бу эса мени кўплаб ҳолатларда қутқариб қолган", - деди футболчи.