"Қуръа ҳали ташланмагани сабаб режа туза олмаяпмиз, Жалолиддиновнинг ҳали кўп фойдаси тегади" — Тимур Кападзе кечаги учрашувдан яна нималар деди?

Босния ва Герцоговинанинг "Велес Мостар" клубига қарши кечган ўйинда Тимур Кападзе шогирдлари 2:1 ҳисобида ғалаба қозонди. Учрашувдан сўнг "Олимпик" бош мураббийи Тимур Кападзе фикрлари билан ўртоқлашди. 

Назорат учрашуви. "Олимпик" Босния ва Герцеговина клубини мағлуб этди

Йиғин режа бўйича кетмоқда. Бундай паллада футболчиларга кўпроқ юклама беряпмиз. Таркибдаги барча футболчиларга имконият беряпман. Юкламада ўйнаш керак, деб ўйлайман. Кейинчалик осонроқ бўлади. Хурсанд қиладиган жиҳат жароҳатлар йўқ. Олдинда яна тайёргарлик учун вақт бор",- дейди Тимур Кападзе. 

- Жасур Жалолиддиновда ҳамон қизиққонлик сақланиб қолингандек кўриняпти. Расмий ўйинларда меъёридан ортиб кетиши панд бериб қўймайдими?

- Жасур ёш бола эмас, ақли бор. Қизиққонлик, тортишиш нормасидан ўтиб кетмаса бўлди. У тарафлама кўрсатма берамиз. У йиғинларда яхши ҳаракат қиляпти. Ҳар бир машғулот, ўйинда ўзини кўрсатяпти. Жисмоний тарафлама яна қўшди. Ўйлайманки, ҳали кўп фойдаси тегади. 

- Чемпионат бошланишига 1 ой вақт қолди. Ҳали қуръа ташлангани йўқ. Бу тайёргарлик жараёнига таъсир қилмаяптими?

- Албатта, ноқулайлик туғдиради. Биринчидан рақибларимизни билмаяпмиз. Бу ҳам рол ўйнайди. 17 февраль куни қайтамиз, қуръа натижасига қараб кейинроқ ўйнайдиган рақибимиз билан Тошкентда яна бир ўртоқлик учрашуви ўтказамиз. Режа туза олмаяпмиз. Қуръани кутяпмиз. 

- Таркибда янги номлар ҳақида...

- Мазкур йиғин янги футболчиларга ўзини кўрсатиши учун имконият. Ўзларини муносиб кўрсатишса, меҳнат қилишса жамоада олиб қолиниши мумкин. Рақобат бор. Таркибда ҳеч кимга жой кафолатланмаган. 

Абдулазиз Искандаров (Анталия, Туркия)