"Қўқон-1912": Ҳимоядаги ишонган тоғимиз

Айнан мана шу ҳимоячиларнинг таркибда бўлиши мухлисларнинг ғалабага бўлган ишончи ортишига туртки бўлади. Чиндан ҳам орқа чизиқдаги ишончли ўйин ғалабанинг бир бўлагидир. Машҳур мураббийлардан бири гол ўтказиб юбормасак, мағлубиятга учрамаймиз деб айтгани ҳам бежиз эмас.

Якунига етган мавсум давомида “Қўқон-1912” жамоасининг ҳимояси мустаҳкам бўлишида  катта ҳисса қўшган  Жалил Кимсанов ҳам мана шундай ҳимоячилардан биридир.

Кимсанов ўзи майдонга тушган учрашувларда ҳимояда бехато ўйнашга интилади, рақиб ҳужумларини қайтаришда жонбозлик кўрсатади. Тўғри унга барча ўйинларада майдонга тушиш насиб этмади. Бунга албатта, дисквалификациялар сабаб бўлди. Лекин унинг майдонда бўлиши мухлисларнинг кўнглига ҳам таскин беради. Аниқроғи, ишқибозларнинг ҳимоядан кўнгиллари тўқ бўлади. Бир сўз билан айтган у ҳимоямиздаги ишонган “тоғимиз”дир.

Кимсанов мавсум-2015 да рақиб дарвозасига битта тўп киритишга ҳам муваффақ бўлди. У Қўқонда бўлиб ўтган “Насаф”га қарши ўйинда меҳмонлар посбонини доғда қолдирди. Бундан ташқари унинг ҳисобида 8 сариқ  ва 1 қизил карточка бор.