ПСЖ ва "Лестер" собиқ футболчиси 39 ёшида ҳаётдан кўз юмди
01 сен 13:34
Янгиликлар
![](https://championat.asia/upload/storage/800465_original.jpg)
![](/upload/storage/800465_220.jpg)
ПСЖ ва "Лестер" собиқ футболчиси 39 ёшида ҳаётдан кўз юмди
"Лидс", "Лестер", ПСЖ ва "Палермо" собиқ марказий ҳимоячиси Сулейман Бамба 39 ёшида ҳаётдан кўз юмди.
Бу ҳақда Бамба техник директор лавозимида ишлаган Туркиянинг "Аданаспор" клуби хабар берди.
"Сўнгги ўйин олдида ўзини ёмон ҳис қилган Бамба Маниса университети шифохонасига етказилди ва афсуски, у ерда ҳаёт учун курашда енгилди. Жамиятимизга, айниқса унинг оиласига ҳамдардлик изҳор этамиз", — дейилади "Аданаспор" баёнотида.
2021 йилнинг январида Бамбага саратон ташҳиси қўйилган ва у май ойида ундан қутулганини хабар қилган. Бамба ундан кейин фаолиятини тиклади ва Англиянинг "Мидлсбро" жамоасига ўтди, аммо бир йилдан сўнг фаолиятини якунлади.
Бамба фаолиятида энг кўп "Кардифф" (118 ўйин) таркибида ҳаракат қилди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар