ПСЖ президенти: «Ҳакам «Реал»га ёрдам берди»
15 фев 2018 08:02
Янгиликлар

ПСЖ президенти: «Ҳакам «Реал»га ёрдам берди»

ПСЖ клуби президенти Носир Ал Хелайфи ЕЧЛ 1/8 финали доирасидаги «Реал»га қарши ўйиндан сўнг бош ҳакам Жанлука Роккини танқид қилди.

«Натижа адолатли эмас. Ўйлашимча, иккинчи таймда яхшироқ ўйнадик, аммо хатоларга йўл қўйдик.

Мбаппеда офсайд қайд этишди, аммо у йўқ эди. Ҳакамнинг хатолари қимматга тушди. Ҳакам «Реал»га ёрдам берди.

Энди жавоб баҳси ҳақида ўйлаш керак. Биз ўз майдонимизда мухлисларимиз қаршисида ўйнаймиз, ўйлашимча кейинги босқичга чиқа оламиз. Чорак финалга чиқиш учун боримизни берамиз. «Реал»га қийин бўлиши аниқ», – дейди Аль-Хелайфи.