Превью. "Қизилқум" - "Бунёдкор"

«ҚИЗИЛҚУМ» - «БУНЁДКОР»
22 март 2015. Навоий. "Ёшлар" стадиони. 16:00
Ҳакамлар: В. Цейтлин (Тошкент), Х. Шодмонов (Бухорр), Р. Серазетдинов (Тошкент), Б. Йўлчараев (Гулистон)
Назоратчи: Д. Роман (Тошкент).

“Қизилқум” ва “Бунёдкор” олий лигада 16 бора тўқнаш келишган. Ушбу ўйинлардан 13тасида пойтахтликлар ғолиб бўлишган. 2 ўйин дуранг ҳисобида якунланган, “Қизилқум” олий лигада ҳозирга қадар “қалдирғочлар”ни 1 марта мағлуб эта олган.

“Бунёдкор” шу кунгача ўзаро ўйинларда “Қизилқум” дарвозасига 40та гол киритган, навоийликлар эса “қалдирғочлар” дарвозасини 9 бор ишғол қилишган. “Олтин изловчилар”  ўзаро ўйинларда 5 очко ишлаб олган бўлишса, “Бунёдкор” 41 очкони қўлга кирита олган. “Бунёдкор”нинг олий лигада “Қизилқум” устидан эришган энг йирик ғалабаси 5:1 ни ташкил қилади. “Қизилқум”нинг ягона ва энг йирик ғалабаси - 1:0.
 
2014 йил “Бунёдкор” майдонида ўтган ўйинда Анвар Бердиев мезбонларни ҳисобда олдирга олиб чиққан, орадан кўп ўтмай Элдор Бойматов пенальтидан ҳисобни тенглаштирганди. Иккинчи бўлимда Воҳид Шодиев гол уриб “қалдирғочлар”га уч очко келтирганди – 2:1. Навоийда Достонбек Ҳамдамов ва Жавлон Иброҳимовнинг голлари “Бунёдкор”нинг ғалабасини таъминлаган эди – 2:0.

Тошкентда ўтган сўнгги беш учрашув:
03.08.2014 «Қизилқум» - «Бунёдкор» 0:2
17.03.2013 «Қизилқум» - «Бунёдкор» 0:3
26.03.2012 «Қизилқум» - «Бунёдкор» 2:2
15.05.2011 «Қизилқум» - «Бунёдкор» 1:4
25.09.2010 «Қизилқум» - «Бунёдкор» 1:0

Ўзаро ўйинлар ҳақида факт: “Қизилқум” ўз уйида бўлиб ўтган 8та ўйиннинг 6тасида мағлуб бўлган. 2010 йил “Қизилқум” ўз майдонида “қалдирғочлар”ни мағлуб этган ва 2012 йил дуранг ўйнаган. 


Нарзулла Сайдуллаев