ПРЕВЬЮ. "Локомотив" - "Нефтчи"

«ЛОКОМОТИВ» - «НЕФТЧИ»
22 март 2015. Тошкент. ТТЙМИ стадиони. 16:00
Ҳакамлар: В. Агишев (Тошкент), М. Мажидов (Наманган), А. Калинин (Қарши), Р. Тошмуҳаммедов (Нукус).
Назоратчи: Ф. Абдуллаев (Тошкент).

“Локомотив” ва “Нефтчи” олий лигада 20 бора тўқнаш келишган. Натижалар тошкентликларнинг устунлигини кўрсатмоқда.

“Локомотив” 11 марта ғалаба қозонган, “Нефтчи” ҳисобида 7та муваффақият мавжуд. 2та баҳсда дуранг қайд этилган. “Нефтчи” ўзаро ўйинларда 29та гол киритган, “темирйўлчилар” эса 32 бора фарғоналиклар дарвозасини ишғол этишган. Фарғона жамоаси ўзаро ўйинларда 23, “Локо” эса 35 очкога эга чиққан. Фарғоналикларнинг ўзаро ўйинларда энг йирик ғалабаси 4:0га тенг бўлса, “Локомотив”да бу кўрсаткич 4:1га тенг.

Ўтган мавсум 12-турда Фарғонада ўтган баҳс тақдирини битта гол ҳал қилганди. Дастлабки бўлим сўнггида кичик Жасур Ҳасановнинг урган голи “Локомотив”га ғалаба келтирганди – 0:1. Тошкентда эса 4:2 ҳисоби қайд этилган. “Нефтчи” дарвозасига Марат Бикмаев, Александр Гейнрих, Алишер Шоғуломов, Жаҳонгир Меҳмонов (автогол) гол уришган. Носир Отақўзиев ва Шерзод Ҳакимов мезбонлар дарвозасига гол уришган.

Тошкентда ўтган сўнгги беш учрашув:
02.11.2014 «Локомотив» - «Нефтчи» 4:2
24.10.2013 «Локомотив» - «Нефтчи» 3:1
15.04.2012 «Локомотив» - «Нефтчи» 1:1
13.03.2010 «Локомотив» - «Нефтчи» 3:1
05.03.2009 «Локомотив» - «Нефтчи» 2:1

Ўзаро ўйинлар ҳақида факт: “Локомотив” ўз майдонида ўтган 10та ўйиннинг 7тасида зафар қучган. “Нефтчи” икки марта (2004 ва 2007 йилларда) Тошкентдан уч очко билан қайтган. Пойтахтда бу жамоалар бир марта дуранг қайд этишган.

Нарзулла Сайдуллаев