ПРЕВЬЮ. «ДИНАМО» – «НАСАФ»
03 авг 2014 09:40
Янгиликлар

ПРЕВЬЮ. «ДИНАМО» – «НАСАФ»

Самарқандда "Динамо" Қаршининг "Насаф" клуби қаршилигини енгишга уриниб кўради.

«Динамо» (Самарқанд) – «Насаф» (Қарши)
3 август. Самарқанд. “Динамо” стадиони. 18:00.
Ҳакамлар: О. Толибжонов (Тошкент), В. Лушин (Гулистон), М. Саидқосимов (Тошкент), И. Гормашов (Тошкент).
Назоратчи: С. Эрматов (Тошкент).

“Динамо” ҳамда “Насаф” клублари олий лигада шу кунгача 33 бор куч синашишган. Натижалар “аждарлар”нинг устунлигини кўрсатмоқда. 17та ўйинда “Насаф”, 7 ўйинда “Динамо” ғалаба қозонган. 9та учрашувда дуранг натижа қайд этилган. “Аждарлар” ўзаро ўйинларда 43 бор рақиб дарвозасига йўл топа олишган. “Динамо” эса 33 бор гол кирита олган. Қарши клуби 60, Самарқанд клуби эса 30 очкони қўлга киритган. “Насаф”нинг “Динамо” устидан қозонган энг йирик ғалабаси – 3:0. “Динамо”нинг энг йирик ғалабаси эса 4:0.

Дастлабки даврада Қаршида бўлиб ўтган баҳс тақдирини ягона гол ҳал қилганди. Ўшанда Илҳом Юнусовнинг 66-дақиқада самарқандликлар дарвозасига тўп киритганди - 1:0.

Самарқандда ўтган сўнгги беш учрашув:
17.08.2013 «Динамо» - «Насаф» 1:3
15.03.2012 «Динамо» - «Насаф» 0:2
20.06.2011 «Динамо» - «Насаф» 0:1
25.09.2010 «Динамо» - «Насаф» 0:0
08.05.2009 «Динамо» - «Насаф» 0:0

Ўзаро ўйинлар ҳақида факт: “Динамо” ўз майдонида 5 марта ғолиб бўлган, 6 учрашув дуранг натижаси билан ўз ниҳоясига етган. “Насаф” ҳам 5 бор Самарқанддан уч очко билан қайтган. Охирги уч йилда “аждарлар” сафарда фақат ғалаба қозонишган.

Ҳавола :

Манба : championat.asia

Янгиликларни Телеграмда ўқинг!

Рейтинг: