Предраг Роган: "Қизил карточка режаларимизни ўзгартириб юборди. Биз яхши тайёргарлик кўргандик"

"Илк навбатда "Бунёдкор"ни ғалаба билан табриклайман. Ўйинда кўп хато қилдик. Футболчимиз ўша вазиятда нима учун бундай қилди, билмадим. Хотиржам бўлиш керак эди.

Иккинчи таймда ҳам прессингда ўйнашга ҳаракат қилдик. Қизил карточка режаларимизни ўзгартириб юборди. Бир киши кам бўлиб прессинг уюштириш қийин эди. Биз аввалги бвҳсларда ҳам шу тарзда ўйин намойиш этгандик. Жамоа бироз ёш, уларга мослашиб кетиш учун бироз вақт керак. 

Ўз дарвозамиздан тўп ўтказиб юборгач, устунликни рақибга бериб қўйдик. Бу ҳақда шогирдларимга ҳам айтиб ўтдим. Майдонда баъзи фикрларимни уларга етказишда муаммога дуч келмоқдаман. Болаларга хотиржамлик етишмаяпти. Футболчилар ҳиссиётга берилиб кетишди. Ҳали бу жиҳат устида ҳам кўп ишлашимиз керак. "Бунёдкор"га қарши яхши тайёргарлик кўргандик, уларда кучли футболчилар бор. Биз уларга қарши прессинг билан ўйнамоқчи эдик.  

Ҳакамлар ҳақида ҳеч нарса деёлмайман. ВАР футбол адолатли бўлиши учун ёрдам бермоқда. Ҳакамга эътирозим йўқ, балки ўз футболчиларимдан кўнглим тўлмади. Ҳакамларнинг ишини баҳолаш менинг вазифам эмас. 

"Динамо" мухлисларига ҳам раҳмат айтмоқчиман. Улар чинакам томошабин эканлигига шубҳам йўқ, биз билан Жиззахга ҳам, Тошкентга ҳам узоқ йўл босиб келиб, жамоани қўллаб-қувватлашди", - деди Роган.