Погба Моуринью билан қай тариқа жанжаллашиб қолганини айтди
25 дек 2022 16:10
Янгиликлар

Погба Моуринью билан қай тариқа жанжаллашиб қолганини айтди

"Манчестер Юнайтед"нинг собиқ футболчиси Поль Погба манкунианликлар собиқ устози Жозе Моуринью билан қачондан муносабатлари совуқлашганини айтди.

"Жароҳат олганимдан кейин барчаси бошланди. Реабилитацияни ўтказиш учун Майамига йўл олишим керак эди. У ерда журналистлар мени хотиним билан расмга олишди. Жозе ўша расмни Мино Райолага жўнатди.
Бу эса менга маъқул келмади. Жозенинг фикрича, барча меҳнат қилиб, машғулот ўтаётган бир пайтда мен дам олиб ўтирган эканман. Бу гап менга ёқмади: "Жозе, жиддий айтяпсанми? Мен жароҳатланганман, бу ерда 3 маҳал махсус машқларни бажаряпман. Мени ким деб ўйлаяпсан?". Ҳаммаси шу жойда бошланганди", - деди Погба.

Француз 2016-2018 йиллар давомида Моуринью қўл остида "МЮ"да ўйнади ва биргаликда Европа лигасида ғолиб бўлди. Айни дамда Моуринью "Рома"да, Погба эса "Ювентус"да.

Ҳавола :

Манба : Pogmentary

Янгиликларни Телеграмда ўқинг!

Рейтинг: +7