Почеттино: "Тоттенхэм" кетма-кет уч йил ЧЛда иштирок этмоқда, аммо бу кам"

"Кетма-кет уч йил Чемпионлар лигасида иштирок этиш клуб учун катта муваффақият. Аммо бу етарли эмас, ниманидир ўзгартиришимиз керак.

Агар кимдир "Тоттенхэм" мураббийи соврин ютмоқчи эмас деса, адашади! Бу ерга ғалаба қозониш учун келганман. Янги мавсумда бирор соврин юта оламизми? Футболда ҳамма нарса рўй бериши мумкин, аммо қийин бўлади.

Ҳар йили рақибларимиз кучаймоқда, таркибни ўзгартиряпти. Биз улар билан рақобатлашишга ҳаракат қиламиз, аммо машинамиз бошқа" - дейди Почеттино.