Пляж футболи: Жаҳон Кубоги Осиё минтақаси саралаши октябрь ойида Қатарда ўтказилади
03 июн 2014 11:13
Янгиликлар

Пляж футболи: Жаҳон Кубоги Осиё минтақаси саралаши октябрь ойида Қатарда ўтказилади

Пляж футболи бўйича Ўзбекистон терма жамоаси шу йилнинг 6-14 октябрь кунлари Қатар пойтахти Дохада келаси йили Португалияда бўлиб ўтадиган Жаҳон Кубоги учун саралаш баҳсларида иштирок этади.

Айни дамда Аҳад Юсупов бош мураббийлик қилаётган пляж футболи бўйича Ўзбекистон терма жамоаси 2013 йилги Жаҳон Кубоги саралаш баҳсларида ҳам иштирок этишган эди. 6-14 октябрь кунлари Дохада ташкил этиладиган навбатдаги саралаш баҳсларида рейтинг бўйича Осиёнинг энг яхши 16та терма жамоаси иштирок этади. Саралаш баҳсларида дастлабки уч ўринни эгаллаган терма жамоа 2015 йили Португалияда бўлиб ўтадиган Жаҳон Кубоги финал босқичига йўлланмани қўлга киритади.

Маълумот ўрнида, аввалроқ пляж футболи жамоалари рейтингини ҳисоб-китоб қилиб борадиган пляж футболи халқаро рейтинги дунё терма жамоаларининг сўнгги тўрт йиллик рейтингини эълон қилган ва унга кўра Ўзбекистон терма жамоаси жаҳон рейтингида 71-ўринда қайд этилган эди.

Ҳавола :

Манба : the-uff.com

Янгиликларни Телеграмда ўқинг!

Рейтинг: