Пирло Италия шон-шараф залидан жой олади, Лукакуга эса махсус соврин топширилади
06 фев 2020 21:38
Янгиликлар

Пирло Италия шон-шараф залидан жой олади, Лукакуга эса махсус соврин топширилади

Италия футбол федерацияси (FIGC) 2020 йил шон-шараф залидан ўрин олувчи номларни эълон қилди.

2006 йилги мундиал чемпиони ва "Интер", "Милан", "Ювентус" каби жамоалар сафида ўйнаган Андреа Пирло ушбу фахрий мукофотни олувчилардан бири бўлади.

4 май куни Флоренцияда Андреа Пирлонинг номи шон-шараф залига киритилади. У Роберто Баджо, Паоло Мальдини, Франко Барези, Фабио Каннаваро, Жанлуке Виалли, Жузеппе Бергоми, Алессандро Дель Пьеро ва Франческо Тотти каби футболчилар сафига қўшилади.

Қайд этилишича, “Интер” ҳужумчиси Ромелу Лукаку “Фиорентина” сардори шарафига номланган махсус Давиде Астори мукофотини қўлга киритади. Ушбу соврин ҳалол ўйин ўтказганларга берилади. Лукаку ирқчликка қарши ва у жамоадоши Себастьяно Эспозитога пенальтини бериб, 17 ёшли футболчининг А Сериядаги илк голини уришига кўмаклашган эди.

Ҳавола :

Манба : figc.it

Янгиликларни Телеграмда ўқинг!

Рейтинг: +4