Пике фаолиятини якунлайди. Шанба кунги "Альмерия"га қарши баҳс унинг сўнгги ўйини бўлади
04 ноя 2022 00:58
Янгиликлар

Пике фаолиятини якунлайди. Шанба кунги "Альмерия"га қарши баҳс унинг сўнгги ўйини бўлади

Футболчи кутилмаган қарор қабул қилди.

"Барселона" клуби ҳимоячиси Жерар Пику футболчилик фаолиятини якунлашини маълум қилди. Шанба кунги Ла Лига доирасидаги "Альмерия"га қарши баҳс Пике учун "Камп Ноу"даги сўнгги ўйин бўлади. Шу ўйиндан сўнг футболчи фаолиятини якунлайди.

Маълумот учун, Пике 1997-2004 йиллар давомида "Барселона" академиясида тарбияланган. Шундан сўнг "Манчестер Юнайтед"га йўл олган. 2008 йилда "Барса"га қайтган футболчи шу кунга қадар клубда фаолияти олиб борди.

Пике "Барселона"даги фаолияти давомида 8 марта Ла Лига чемпионлиги, 7 карра Испания кубоги, 6 марта мамлакат Суперкубоги ва уч мартадан ЕЧЛ, Европа Суперкубоги ва клублар ўртасидаги Жаҳон чемпионати ғолиби бўлган. Футболчи Испания терма жамоаси билан Европа ва Жаҳон чемпионлигини қўлга киритган.

Ҳавола :

Манба : twitter.com/3gerardpique

Янгиликларни Телеграмда ўқинг!

Рейтинг: +23