UZ

Сўнгги янгиликлар

02:02КЖЧ. Лео Мессининг супер голи "Интер Майами"га иродали ғалаба тақдим қилди  14 01:50Ўзбекистон U-17 иккинчи ўртоқлик ўйинида Боливия U-17ни мағлуб қилди  18 01:03Женнаро Гаттузо: "Ҳозирги футболда Гаттузони майдонга туширмаган бўлардим"  2 00:33"Барселона" 7 футболчисидан қутулмоқчи  1 23:59Клублар ўртасидаги ЖЧ. 40 дақиқа тўхтаб қолган ўйин якунига етди  1 23:34Акмал Рустамов: "Ёшларга ишонч билдиряпмиз"  0 23:22Максим Шацких: "Легионерлар нега кетишди? Улар менинг олдимга келишди, шунчаки жамоада ўйнамаслигини айтишди"  6 23:09КЖЧ. "Пальмейрас" - "Ал Аҳли" учрашуви тўхтатилди. Нега?  8 22:42Ҳаким Фузайлов: "Сўнгги ўйинимизни 3 кун олдин ўтказгандик, йигитларда чарчоқ аломатлари сезилди"  2 22:18"Рома" клубга "янги" спорт директори тайинланганини эълон қилди  1 22:00Суперлига. "Сўғдиёна" муҳим учрашувда "Хоразм"ни мағлуб этди  10 21:59Суперлига. "Андижон" ва "Қизилқум" "Бобур Арена"да муроса кўчасини танлади  51 21:18АПЛ "Манчестер Сити"ни жазолади  5 20:53"Рома"да бош мураббий ўзгарди. Рим клубидаги энг яхши мавсумини ўтказган Шомуродовнинг тақдири қандай кечади?  6 20:34"Барселона" бразилиялик ҳимоячи учун 30 млн евро таклиф этади  6

ПФЛ сайтида хатолик кетган бўлса, журналистда нима айб? Янгиликлар

ПФЛ сайтида хатолик кетган бўлса, журналистда нима айб?

Сайтимизнинг жонкуяр журналистларидан бири Фахриддин Рўзиев берган маълумот кеча анча шов-шувга сабаб бўлди.

Гап "Насаф" футболчиси Марко Станоевичнинг сариқ карточкалари билан боғлиқ. Суперлига регламентига кўра, сариқ карточкалари тўрттага етган футболчи кейинги 1та турни ўтказиб юбориши шарт. 

Фахриддин Рўзиев ПФЛ сайтидаги маълумотга таяниб, Марко Станоевич тўртта огоҳлантиришдан сўнг кейинги турни ўтказиб юбормаганини ёзган. Кейинчалик ПФЛ расмий ҳужжатларни текширган ҳолда маълумотларни сайтга киритишда хатолик кетганини ва протокол бўйича Станоевич аллақачон битта турни ўтказиб юборганини маълум қилди. 

Шундан сўнг сайтдаги "юзерлар" орасида "комент"ларда тортишув, жанжал бошланди ва энг хунуги, кўпчилик Фахриддин Рўзиевни қўпол сўзлар билан ҳақоратлашга ўтган. Уни ҳатто "Насаф"нинг душмани дейишгача боришган. 

Фахриддин Рўзиев ПФЛ сайтидаги маълумотга таянган ҳолда хатога йўл қўйган ва бунинг учун фақат уни айблаш шарт эмас. Охирги пайтларда бизда муаммо бир четда қолиб, муаммони кўтарган одамни ерга уриш жуда авж оляпти. Кўп соҳаларда шунақа бўляпти. Муаммони айтган одам ҳамманинг кўзига балодек кўриняпти. 

Яна бир гап. Фахриддин Рўзиев хато қилган бўлса-да, унинг олдида ПФЛ сайтидан бошқа манба йўқ. Сайт расмий бўлганидан кейин сиз ҳам, мен ҳам шунга ишонамиз. Тўғри, Фахриддин бу хабарни чоп этишдан олдин ПФЛ билан боғланиб, аниқлик киритиб олиши мумкин эди, лекин расмий сайт турганда бунга на ҳожат. 

Масалан, ОЧЛ ўйини билан боғлиқ муаммоли вазиятни суриштирганда ОФК комиссарларининг орқасидан қидириб юрмайсиз-ку. Тайёр манба сифатида фақат ОФК сайтига таянасиз. 

Бу каби тушунмовчиликнинг олдини олиш қийин эмас. ПФЛ аввалги йиллари ҳар тур олдидан тур йўқотишларини бериб борарди. Лекин нимадир сабаб бўлиб, бу йилдан шу нарса чиқмай қўйди. Агар ПФЛ келаси йилдан яна шуни йўлга қўйса, ўйлаймизки, бу борада ҳеч қанақа муаммо ва тушунмовчилик юзага келмайди. 

Х.Холиқов.

P.S. Фахриддин Рўзиев сайтимизнинг энг фаол журналистларидан бири ҳисобланади ва сайт унинг ҳаракатчанлиги, меҳнатсеварлиги ва изланувчанлигини қадрлайди. 

Рейтинг: -22   

Фикрлар

championat.asia
< сўнгги янгиликларни кўриш
Яндекс.Метрика