"Персеполис" кетма-кет учинчи бор Эрон чемпиони
17 май 2019 08:26
Янгиликлар

"Персеполис" кетма-кет учинчи бор Эрон чемпиони

Эроннинг "Персеполис" клуби қаторасига учинчи марта Эрон чемпионлигини қўлга киритди.

Бу жамоа охирги турда "Парс Жануби" билан куч синашиб 1:0 ҳисобида зафар қучди ва ўйиндаги ягона гол Марио Будимир томонидан киритилди. Шу тариқа "Персеполис" ўз тарихида 12-бор мамлакат чемпионлигини нишонлади.

Иккинчи ўрин "Сепахон" клубига насиб этди. Учинчи ўринни эса Теҳроннинг бошқа бир жамоаси "Истиқлол" эгаллади. Тўпурарлар пойгасида "Фулад" ҳужумчиси Лусиано Чимбага тенг келадигани топилмади. У 16та гол билан ғолиб бўлди. Сизу бизга яхши таниш Али Алипур эса бу мавсум 14та гол урди.