"Барселона" ярим ҳимоячиси Педри ЖЧ-2022 саралаш ўйинлари учун Испания термаси таркибидан ўрин олди. Испанлар 2 сентябрда Швеция, 5 сентябрь куни Грузия ва 8 сентябрь куни Косово термасига қарши ўйин ўтказишади.
"Барселона" эса футболчига дам олишни маслаҳат берганди. Аммо, Педрининг ўзи миллий жамоаси учун ўйнашни истамоқда. Футболчи Испания термасини ЖЧ-2022 йўлланмаси учун кечадиган муҳим ўйинларда ёлғиз қолдирмоқчи эмас.
Эслатиб ўтамиз, Педри ўтган мавсумда 73 та ўйин ўтказиб мутлақ рекорд қўйганди.
