"Пахтакор": Омадли мухлислар сафи кўпаймоқда
04 авг 2014 11:09
Янгиликлар

"Пахтакор": Омадли мухлислар сафи кўпаймоқда

Клубимиз томонидан ўтказилаётган "Омадли мухлис" акциясида ғолиб чиққан ишқибозлар сони ортиб бормоқда.

"Соғлом бола йили"га бағишлаб ташкил қилинган ижтимоий акциянинг навбатдаги ғолиблари "Пахтакор" - "Андижон" жамоалари ўртасида бўлиб ўтган 14-тур учрашувининг танаффусида аниқланди. Асосий эсдалик совғалари сифатида титул ҳомий "Ucell" компаниясидан 2 дона "Scate Acqua" смартфони ютуқ учун қўйилганди. Смартфонлар Алишер Тўлаганов ва Ботир Жамоловга насиб этди. Шунингдек, яна бир ҳамкоримиз "Sharq Telecom" интернет провайдер компаниясидан эсдалик совғаларига Камол Ёқубов ва Юсуфбек Раҳматуллаев, клубимиз томонидан қўйилган футбол тўпига Раҳимжон Искандаров эга чиқди.

Ушбу акциямиз кейинги уй ўйинида, 9 август куни "Нефтчи" билан беллашувда ҳам давом эттирилади. Ишқибозларни "Пахтакор" стадионига чорлаб қоламиз. Учрашув "Пахтакор" стадионида соат 19:30да бошланади.

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: