"Пахтакор" - "Металлург": учрашув ҳақида маълумотлар
22 апр 2016 17:24
Янгиликлар
![](https://championat.asia/upload/storage/205758_original.jpg)
![](/upload/storage/205758_220.jpg)
"Пахтакор" - "Металлург": учрашув ҳақида маълумотлар
Тайёргарлик
Жамоамиз Чемпионлар лигаси ўйинидан кейин Тошкентга чоршанба куни қайтиб келди. Пайшанба куни "Пахтакор" стадионидаги машғулот билан учрашувга тайёргарлик бошланди. Карточкалар туфайли баҳсни ўтказиб юборадиган футболчилар йўқ. "Металлург" эса "Обод" билан ўтган турдаги беллашувдан сўнг ҳозирлик учун кўпроқ вақтга эга бўлди.
Қарама-қаршилик
Олий лигадаги 36 ўйиннинг 29тасида "Пахтакор", 3тасида бекободликлар зафар қучган. 4 баҳс дуранг билан тугаган. Жамоамиз 98 гол уриб, 28 тўп ўтказиб юборган. Тошкентдаги 18 беллашувнинг 16тасида "шерлар" ғолиб бўлган. Икки учрашувда томонлар дуранг қайд этишган.
Ўйин расмийлари
Учрашувни Вадим Агишев бошчилигидаги ҳакамлар бошқаради. Агишев ҳозиргача олий лигада "Пахтакор"нинг 6 баҳсини бошқариб борган. Уларда жамоамиз 3 ғалаба, 1 дуранг ва 2 мағлубиятни қайд этган.
"ПАХТАКОР" - "МЕТАЛЛУРГ"
Ҳакамлар: Вадим Агишев (Тошкент), Равиль Шояхметов (Тошкент), Владлен Лушин (Гулистон), Аҳмад Эргашев (Тошкент).
Назоратчи: Игорь Нехочин (Наманган).
ЎзПФЛ вакили: Аброр Қодиров.
Чипталар
Учрашувга чипталарни "Пахтакор" стадиони кассаларидан 5 ва 15 минг сўмдан харид қилишингиз мумкин. Ёшлар таркиблари баҳси 24 апрель, якшанба куни 16:30да Қибрайдаги стадионда бошланади. Асосий жамоалар эса 25 апрель куни "Пахтакор" стадионида 18:30да ўйинни бошлашади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар