"Пахтакор" - "Бунёдкор" ўйини чипталари сотувидан тушган маблағ Николай Ширшовнинг оиласига ўтказиб берилади

Учрашув 29 июнь куни "Пахтакор" стадионида соат 20:00 да бошланади. Мазкур беллашувда мухлислар харид қилган чипталардан тушган маблағ тўлиғича жамоамизнинг афсонавий футболчиларидан бири Николай Ширшовнинг оиласига ўтказиб берилади. Ширшов ўтган йил охирида ҳаётдан кўз юмганди. "Пахтакор" футбол клуби чоршанба кунги баҳсда стадионга ташриф буюришни ва ўзбек футболи афсоналаридан бирининг оиласини қўллаб-қувватлашга ўз ҳиссангизни қўшингизни сўраб қолади.

Эслатиб ўтамиз, "Пахтакор"нинг собиқ футболчиси Николай Ширшов 2021 йил вафот этганди. 

1992-99 йиллар мобайнида жамоа сафида чемпионатларда 171 ўйинда майдонга тушган Ширшов чап қанот ҳимоясидаги ажойиб ўйини билан мухлислар меҳрини қозонганди. У "Пахтакор" билан икки карра Ўзбекистон чемпионига айланиб, икки марта Ўзбекистон кубогини қўлга киритган. "Пахтакор"дан сўнг кўп йиллар "Ростов"да ўйнаб, жамоа афсоналаридан бирига айланган. Шунингдек терма жамоадаги ўйинлари билан ҳам ҳануз кўпчиликнинг ёдида қолган.